Albatross 🤓😈

                                       സ്കൂളിലേക്കുള്ള യാത്ര               എല്ലാം കൂടി ഒരു പത്ത് മിനിറ്റ് നടത്തം കാണും സ്കൂളിലേക്ക്. ഒരു വലിയ കയറ്റത്തിന്റെ മുകളിലാണ് എന്റെ സ്കൂൾ. സ്കൂൾ യാത്ര നല്ല രസകരമാണ്. വീട്ടിൽ നിന്നും ഇരട്ടസഹോദരിക്കൊപ്പം വാചകമടിച്ച് കാഴ്ചകളൊക്കെ കണ്ട് അങ്ങനെ നടന്നു പോകും. പോകുന്ന വഴിയിൽ വീടുകൾ കുറവാണ്, ഒരുപാട് കാഴ്ചകൾ ഒന്നുമില്ല. എങ്കിലും എന്തെങ്കിലും പുതുമ എന്നും ഞങ്ങളുടെ യാത്രകളിൽ കാണും. ടാറിട്ട റോഡിൽ നിന്നും ഒരു കൊച്ചു ഇടവഴിയിലൂടെയാണ് യാത്ര. രാവിലെ ഉദിച്ചു വരുന്ന സൂര്യന്റെ ചൂടിന് കുട പിടിച്ചു പോകാൻ തോന്നിയിട്ടില്ല.        ആ ചൂടും വെയിലും നന്നായി ആസ്വദിച്ചാണ് യാത്ര. ദൂരെ നിന്നു കാണാം ചുവന്ന് തളിർത്ത് നിൽക്കുന്ന ഗുൽമോഹർ. ഗുൽമോഹറിന്റെ ചുവട്ടിലെ മണ്ണിനോട് ചേർന്ന് കിടപ്പുണ്ട് അതിലെ പൂക്കൾ. ആ പൂക്കൾ പെറുക്കും, അതിന്റെ ഇതളുകൾ വേർത്തിരിച്ച് നഖത്തിൽ ചേർത്ത് ഒട്ടിക്കും, സിനിമയിൽ കണ്ടിട്ടുള്ള യക്ഷിയുടെ നഖം പോലെ. നടന്...